Մասնաբաժինների բաշխումն արտացոլում է երկրների ներդրումների ծավալները: Այս մասին հայտարարել է ԱԳ նախարար Արարատ Միրզոյանը՝ Վաշինգտոնից ԹՐԻՓՓ շրջանակի փաստաթղթի վերաբերյալ ասուլիսի ժամանակ։
Գաղտնիք չէ, որ ԱՄՆ-ն մեծ ծավալի ներդրումներ է անելու՝ ոչ միայն քաղաքական, այլև ֆինանսական: ՀՀ-ի հիմնական ներդրումը մեծ հաշվով կառուցապատման իրավունքն է: Կարծում եմ՝ բավականին արդար բաշխում է:
Խոսքը միայն առաջիկա 49 տարվա մասին է: Պայմանագիրը ևս 50 տարով երկարացվելու դեպքում բաժնեմասերի համամասնությունը փոխվելու է, և գրեթե հավասար ենք դառնալու:
Հիշեցնենք, որ Վաշինգտոնում ՀՀ ԱԳ նախարար Արարատ Միրզոյանի եւ ԱՄՆ պետքարտուղար Մարկո Ռուբիո հանդիպման արդյունքներով հրապարակվել է «Թրամփի ուղի՝ հանուն միջազգային խաղաղության և բարգավաճման» նախագծի (ԹՐԻՓՓ) իրականացման շրջանակը։
