Հայաստանի հետ սահմանի «Ալիջան» սահմանային անցակետում աշխատանքներն 90 տոկոսով ավարտված են։
Այս մասին հայտնում է թուրքական «Անադոլու» գործակալությունը՝ նշելով, որ աշխատանքներ են ընթանում թուրքական «Ալիջան» և հայկական «Մարգարա» սահմանային անցակետերում։
Ալիջանի սահմանային անցակետում մաքսային և այլ ընթացակարգերի համար նախատեսված շենքերի կառուցմանը զուգընթաց, տեղադրվում են նաև գովազդային վահանակներ և ցուցանակներ, որպեսզի Հայաստանից Թուրքիա ժամանողները հնարավորություն ունենան ուսումնասիրել Իգդիրը և տարածաշրջանը։
Լրատվամիջոցի փոխանցմամբ՝ Իղդիրի նահանգապետ Էրջան Թուրանը, որ ստուգման նպատակո այցելել է սահմանային անցակետը, դրա վերաբերյալ տեղեկություններ է ստացել Քարաքոյունլու շրջանի նահանգապետ Ֆաթիհ Էրդողանից։
