armenpress.am Էկոպարեկային ծառայության մարզային վարչությունների կողմից 2025 թվականին հայտնաբերվել և արձանագրվել է բնապահպանական իրավախախտումների 903 դեպք:
Այս մասին 2025-ի ամփոփիչ ասուլիսում հայտնեց Շրջակա միջավայրի նախարար Համբարձում Մաթևոսյանը:
«Էկոպարեկային ծառայության 7 մարզային վարչության կողմից հայտնաբերվել և արձանագրվել է բնապահպանական իրավախախտումների 903 դեպք: Բնապահպանական իրավախախտումների հետևանքով կենդանական և բուսական աշխարհին պատճառված վնասի հատուցման չափը կազմել է 523 մլն դրամ, իսկ կիրառված տուգանքի չափը՝ 14.3 մլն դրամ»,-ասաց Մաթևոսյանը:
Նախարարի խոսքով՝ այդ թվում՝ Սյունիքում 2025թ ապրիլի 11-ից սկսած կենդանական և բուսական աշխարհին պատճառված վնասի հատուցման չափը կազմել է 40.3 մլն դրամ, իսկ կիրառված տուգանքի չափը կազմել է 1.6 մլն դրամ:
