shantnews.am Իսրայելի վարչապետ Բենիամին Նեթանյահուի և ԱՄՆ խաղաղապահ առաքելությունների գծով նախագահի հատուկ բանագնաց Սթիվ Ուիտկոֆի միջև Երուսաղեմում կայացած հանդիպումն ավարտվել է։ Զրույցի հիմնական թեմաներն էին Գազայի հատվածում կարգավորման հարցը և Իրանի շուրջ ստեղծված իրավիճակը, հաղորդում է Իսրայելի վարչապետի գրասենյակը զրույցից հետո։
«Վարչապետը վերահաստատել է ՀԱՄԱՍ-ի զինաթափման, Գազայի հատվածի ապառազմականացման և պատերազմի նպատակների լիարժեք իրականացման իր կատեգորիկ պահանջը՝ մինչև Գազայի հատվածի վերակառուցումը», – հայտարարել է գրասենյակը։
Ուիտկոֆի հետ զրույցի ընթացքում Նեթանյահուն «պարզաբանել է, որ Պաղեստինի վարչակազմը ոչ մի դեպքում չի մասնակցի Գազայի հատվածի կառավարմանը և տեղեկացրել է ԱՄՆ դեսպան (Իսրայելում) Մայք Հաքաբիին Գազայի հատվածում հայտնաբերված լուրջ խախտումների, այդ թվում՝ զենքը թաքցնելու համար UNRWA-ի (ՄԱԿ-ի օգնության և աշխատանքների գործակալություն Մերձավոր Արևելքում) պարկերի օգտագործման մասին», – ասվում է հայտարարության մեջ։
Երկու կողմերը քննարկել են նաև Իրանի շուրջ ստեղծված իրավիճակը՝ տարածաշրջանում լարվածության աճի լույսի ներքո։ «Իրանի ներկայացուցչի հետ հանդիպելու համար բանագնաց Ուիտկոֆի այցից առաջ վարչապետը շեշտել է իր դիրքորոշումը. Իրանը բազմիցս ապացուցել է, որ իր խոստումների վրա հույս դնել չի կարելի», – ասվում է հայտարարության մեջ։
