ԱԺ լիագումար նիստի օրակարգում չներառվեց Հայաստանում քաղբանտարկյալների և նրանց խախտված իրավունքների վերականգնման վերաբերյալ «Հայաստան» խմբակցութան նախաձեռնած հայտարարության նախագիծը:
Նախագծին դեմ քվեարկեց ՔՊ խմբակցությունը:
Ավելի վաղ նախագիծը բացասական եզրակացություն էր ստացել նաև ԱԺ պետաիրավական հանձնաժողովում:
«Հայաստան» խմբակցության պատգամավոր Էլինար Վարդանյանի խոսքով՝ «Հայաստանում կան քաղբանտարկյալներ. նրանք համապատասխանում են ԵԽԽՎ-ի 2012թ. 1900-րդ բանաձևով նախատեսված չափանիշներին. «Սա լուրջ խնդիր է մեր պետության համար»:
Վարդանյանը շեշտել է, որ Հայաստանում մարդիկ զրկվել են ազատությունից կամ հետապնդվում են ոչ թե հանցանքի, այլ իրենց գաղափարների, խոսքի և դիրքորոշման համար։ Նա անդրադարձավ նաև Հայ առաքելական եկեղեցու սպասավորների, ինչպես նաև բարձրաստիճան հոգևորականների կալանավորմանն ու նրանց դեմ հարուցված քրեական գործերին։
