Մի խումբ բուժաշխատողներ բողոքի ակցիա են իրականացնում ՀՀ ազգային ժողովի շենքի դիմաց:
Նրանք նշում են, որ առողջության ապահովագրության համակարգի ներդրումից հետո բուժաշխատողների աշխատավարձերի նվազում է գրանցվել՝ պայմանավորված աշխատավարձի հաշվարկման մեխանիզմի փոփոխությամբ:
Ակցիայի մասնակիցներից մեկն ընդգծեց, որ կողմ են ապահովագրությանը, սակայն համակարգը ներդրվել է բազմաթիվ իրավական ակտերի բացակայությամբ և նախագծային փուլում, առանց պատշաճ իրազեկման թե՛ քաղաքացիներին, թե՛ բուժաշխատողներին, հիվանդանոցների հետ պայմանագրեր կնքված չեն եղել, հիմնադրամը ստեղծված չի եղել, ու մինչ այս էլ հայտնի չէ, թե ինչպես է այն ստեղծվել:
Նա նշեց, որ բուժաշխատողների աշխատավարձ չստանալը, չհաշվարկելը, թերի հաշվարկելը հենց այս բացերի հետևանքն են:
Նրանք նամակներ հանձնեցին ԱԺ նախագահին և բոլոր խմբակցություններին՝ պահանջելով թեմայի վերաբերյալ լսումներ կազմակերպել:
