arm.sputniknews.ru Երևանի Շենգավիթ վարչական շրջանի թիվ 143 մսուր-մանկապարտեզի նախկին տնօրեն և տնօրենի ժամանակավոր պաշտոնակատար Ռուզաննա Դանիելյանի նկատմամբ որպես խափանման միջոց է կիրառվել բացակայելու արգելք, 2 մլն դրամ գրավ և պաշտոնավարման կասեցում: Այս մասին Sputnik Արմենիային հայտնեց Գլխավոր դատախազությունից:
Նշենք, որ վերանշանակումից ընդամենը 2 աշխատանքային օր անց Ռուզաննա Դանիելյանը ձերբակալվել է։
Հիշեցնենք, որ Ռուզաննա Դանիելյանը մեղադրվում է իրեն վստահված առանձնապես խոշոր չափերի գույքի հափշտակության և խոշոր չափերով կաշառք ստանալու համար։
Մանկապարտեզում հայտնաբերված չարաշահումների փաստով քրեական վարույթը, որով անցնում էր նաև տնօրենը, նախաձեռնվել էր դեռ 2024թ–ի հունիս–հուլիսին ու մինչ օրս գտնվում է նախաքննության փուլում։
