factor.am Իրանի գերագույն առաջնորդ այաթոլլա Ալի Խամենեին սպանվել է ԱՄՆ-Իսրայելական գործողության ժամանակ: Այս տեղեկությունը հաստատել են իրանական կառավարամետ Tasnim, IRNA, ISNA, Mehr և Fars լրատվական գործակալությունները:
Fars-ը հաղորդել է, որ Խամենեին սպանվել է իր աշխատավայրում՝ իր բնակարանում: Գործակալությունը գրել է, որ նա սպանվել է փետրվարի 28-ի վաղ առավոտյան:
Իրանի կառավարությունը հայտարարել է 40 օր համազգային սուգ և 7 օր համազգային ոչ աշխատանքային օրեր։
Շարունակությունը՝ սկզբնաղբույր կայքում
Փետրվարի 28-ի առավոտյան Իսրայելը օդային հարվածներ է հասցրել Իրանի Իսլամական Հանրապետության տարածքին։ Իսրայելը հայտարարել է, որ նախահարձակ է եղել՝ «Իսրայելի պետությանը սպառնացող վտանգները վերացնելու նպատակով»։ Իսրայելի սկսած ռազմական գործողությանը միացել է նաեւ ԱՄՆ-ն։ Միացյալ Նահանգների նախագահ Դոնալդ Թրամփը հայտարարել է, որ Վաշինգտոնը լայնածավալ ռազմական գործողություն է սկսում Իրանի դեմ՝ «թույլ չտալու միջուկային ծրագրի իրագործումը»։
Իրանը պատասխան հարվածներ է հասցրել ինչպես Իսրայելին, այնպես էլ տարածաշրջանի երկրներում ԱՄՆ-ի հնարավոր ռազմական օբյեկտներին։
Իրանի դեմ իսրայելա-ամերիկյան ռազմական հարձակումը սկսվել է իրանա-ամերիկյան բանակցությունների ֆոնին, որոնցից ԱՄՆ նախագահը դժգոհություն էր հայտնել՝ պնդելով, որ Իրանը չի հրաժարվում միջուկային ծրագրից եւ սպառնալիք է հանդիսանում «ազգային անվտանգության կենսական շահերին»։
