Սպորտային մարմնամարզության Եվրոպայի չեմպիոն Համլետ Մանուկյանը ճանաչվել է 2025 թվականի Եվրոպայի լավագույն տղամարդ մարմնամարզիկ, հաղորդում է ՀՄՖ մամուլի ծառայությունը։

Քվեարկության արդյունքում 19-ամյա Մանուկյանը ստացել է ձայների 51 տոկոսը։ Հայ մարզիկն առաջ է անցել սպորտային ակրոբատիկայի Եվրոպայի չեմպիոն, ադրբեջանցի Տոֆիգ Ալիևից, որը հավաքել է ձայների 48 տոկսոսը։ Մրցանակին հավակնում էին նաև պորտուգալացի Գաբրիել Ալբուկեկը (սպորտային ակրոբատիկա), շվեյցարացի Նոե Զայֆերտը (սպորտային մարմնամարզություն) և բրիտանացի Լյուկ Ուայթհաուսը (սպորտային մարմնամարզություն):

Անցյալ տարի Համլետ Մանուկյանը Եվրոպայի առաջնությունում ոսկե մեդալ էր նվաճել նժույգ թափեր վարժությունում, ինչպես նաև դարձել էր աշխարհի գավաթի խաղարկության հաղթող։