Ազգային ժողովի առողջապահության հարցերի մշտական հանձնաժողովի նախագահ է ընտրվել «Քաղաքացիական պայմանագիր» խմբակցության պատգամավոր Վանիկ Օհանյանը: Այս մասին հայտնում է ՀՀ ԱԺ մամուլի ծառայությունը։
ՀՀ ԱԺ հաշվիչ հանձնախմբի նախագահ Նարեկ Բաբայանը ԱԺ հերթական նիստում տեղեկացրել է, որ տեղի է ունեցել գաղտնի քվեարկություն, որին խորհրդարանի 107 պատգամավորից մասնակցել է 64-ը:
Քվեատուփում եղել է 64 քվեաթերթիկ: Անվավեր քվեաթերթիկներ չեն եղել: Վանիկ Օհանյանի թեկնածությանը կողմ է քվեարկել 64 պատգամավոր:
Նրա թեկնածությունն առաջադրել էր ՀՀ ԱԺ «Քաղաքացիական պայմանագիր» խմբակցությունը:
Հիշեցնենք, որ Ազգային ժողովի առողջապահության հարցերի հանձնաժողովի նախկին նախագահը Հռիփսիմե Հունանյանն էր:
Տարեսկզբին նա հրաժարականի դիմում էր ներկայացրել ԱԺ առողջապահության հարցերի մշտական հանձնաժողովի նախագահի պաշտոնից և հայտնել, որ խորհրդարանական առաջիկա ընտրություններում «Քաղաքացիկան պայմանագիր» կուսակցության համամասնական ցուցակում չի ընդգրկվելու:
Հունանյանը նաև ներողություն էր խնդրել հրապարակային խոսքում «այն ձևակերպումների համար, որոնք այս կամ այն կերպ առաջացրել են քաղաքացիների զայրույթն ու դժգոհությունը»:
