news.am Իրանի Խաթամ ալ-Անբիա կենտրոնական հրամանատարության խոսնակը հայտարարել է, որ նավթի գները կարող են բարձրանալ մինչև 200 դոլար մեկ բարելի համար, եթե ԱՄՆ-ն և Իսրայելը շարունակեն հարվածել Իրանի էներգետիկ ենթակառուցվածքներին:
Ավելի վաղ Իսլամական հեղափոխության պահապանների կորպուսի խոսնակ Էբրահիմ Զոլֆաղարին նույնպես խոսել է գների հնարավոր կտրուկ բարձրացման մասին: Նրա խոսքով՝ երկրի էներգետիկ օբյեկտների վրա ԱՄՆ-ի հարվածները բացել են հակամարտության նոր փուլ:
Վերջին օրերին նավթի գները զգալիորեն տատանվել են. մոտ 119,50 դոլար մեկ բարելի համար գագաթնակետին հասնելուց հետո դրանք նվազել են մինչև մոտ 81 դոլար: Սակայն մարտի 11-ին դրանք կրկին սկսել են բարձրանալ՝ գերազանցելով 90 դոլարը Լոնդոնի ICE բորսայում՝ Հորմուզի նեղուցում կոնտեյներատար նավի վրա հարձակման մասին հաղորդագրությունների ֆոնին: ԱՄՆ Էներգետիկայի նախարարությունը կանխատեսում է, որ առաջիկա երկու ամսվա ընթացքում գները կարող են մնալ 95 դոլարից բարձր մեկ բարելի համար:
