news.am Քուվեյթի իշխանությունները հայտնել են, որ անօդաչու թռչող սարքերը հարվածներ են հասցրել Քուվեյթի միջազգային օդանավակայանի օբյեկտներին՝ վնասելով օդանավակայանի ռադարային համակարգի մի մասը, տեղեկացրել է Al Jazeera-ն։
Միջադեպի հետեւանքով ուղեւորներից կամ օդանավակայանի անձնակազմից ոչ ոք չի տուժել։
Շարունակությունը՝ սկզբնաղբյուր կայքում
Լուսանկարը՝ Քուվեյթի միջազգային օդանավակայանի կայքից
Իրանը Իսրայելի ու ԱՄՆ-ի հարձակման ֆոնին շարունակում է ինտենսիվ հարվածները Ծոցի երկրների տարածքներին։
Փետրվարի 28-ին Իսրայելն ու ԱՄՆ-ն սկսել են հարվածներ հասցնել Իրանի Իսլամական Հանրապետության տարածքին։ Իսրայելը հայտարարել է, որ նախահարձակ է եղել՝ «Իսրայելի պետությանը սպառնացող վտանգները վերացնելու նպատակով», իսկ Դոնալդ Թրամփը հայտարարել է՝ Վաշինգտոնը լայնածավալ ռազմական գործողություն է սկսում Իրանի դեմ՝ «թույլ չտալու միջուկային ծրագրի իրագործումը»։
Իրանը պատասխան հարվածներ է հասցրել ինչպես Իսրայելին, այնպես էլ տարածաշրջանի երկրներում ԱՄՆ-ի հնարավոր ռազմական օբյեկտներին։
Իսրայելաամերիկյան հարվածների հետևանքով զոհվել են Իրանի գերագույն առաջնորդ Այաթոլլա Ալի Խամենեին, Իրանի Իսլամական հեղափոխության պահապանների կորպուսի հրամանատար Մոհամմեդ Փաքփուրը, պաշտպանության նախարար Ազիզ Նասիրզադեն և այլ բարձրաստիճան պաշտոնյաններ։
Իրանի դեմ իսրայելա-ամերիկյան ռազմական հարձակումը սկսվել է իրանա-ամերիկյան բանակցությունների ֆոնին, որոնցից ԱՄՆ նախագահը դժգոհություն էր հայտնել՝ պնդելով, որ Իրանը չի հրաժարվում միջուկային ծրագրից եւ սպառնալիք է հանդիսանում «ազգային անվտանգության կենսական շահերին»։
