Զոհվել է Ալի Լարիջանին՝ Իրանի Ազգային անվտանգության գերագույն խորհրդի քարտուղարը՝ Իրանի ամենաազդեցիկ պաշտոնյաներից մեկը։
Տեւական լռությունից հետո Իրանը պաշտոնապես հաստատում է տեղեկությունը, որ ցերեկվանից շրջանառում էին Իսրայելի բարձրագույն օղակները։
Զոհվել են նաեւ նրա որդին՝ Մորտեզա Լարիջանին եւ Ալի Լարիջանիի անվտանգության պետ Սեյեդ Վահիդ Փաթեմի-Նեժադը։
Փետրվարի 28-ին Իսրայելն ու ԱՄՆ-ն սկսել են հարվածներ հասցնել Իրանի Իսլամական Հանրապետության տարածքին։ Իսրայելը հայտարարել է, որ նախահարձակ է եղել՝ «Իսրայելի պետությանը սպառնացող վտանգները վերացնելու նպատակով», իսկ Դոնալդ Թրամփը հայտարարել է՝ Վաշինգտոնը լայնածավալ ռազմական գործողություն է սկսում Իրանի դեմ՝ «թույլ չտալու միջուկային ծրագրի իրագործումը»։
Իրանը պատասխան հարվածներ է հասցրել ինչպես Իսրայելին, այնպես էլ տարածաշրջանի երկրներում ԱՄՆ-ի հնարավոր ռազմական օբյեկտներին։
Իսրայելաամերիկյան հարվածների հետևանքով զոհվել են Իրանի գերագույն առաջնորդ Այաթոլլա Ալի Խամենեին, Իրանի Իսլամական հեղափոխության պահապանների կորպուսի հրամանատար Մոհամմեդ Փաքփուրը, պաշտպանության նախարար Ազիզ Նասիրզադեն և այլ բարձրաստիճան պաշտոնյաններ։
