armenpress.am ԱՄՆ-ի նախագահ Դոնալդ Թրամփը կարծում է, որ Իրանը գործնականում վտանգ չի ներկայացնում, հետևաբար Հորմուզի նեղուցը բացելու համար պահանջվում է պարզ ռազմական գործողություն։
Այդ մասին գրել է ԱՄՆ-ի նախագահը Truth Social հարթակում։
«ՆԱՏՕ-ի անդամ երկրները չէին ուզում կռվել, որպեսզի կասեցնեին Իրանի միջուկային ծրագիրը։ Այժմ այդ պայքարում մենք հաղթել ենք ռազմական առումով, և գործնականում Իրանը ոչ մի վտանգ չի ներկայացնում նրանց համար», – գրել է ԱՄՆ-ի նախագահը։
Թրամփը հավելել է, որ երկրները բողոքում են նավթի բարձր գներից, ինչի համար ստիպված են վճարել, բայց չեն ցանկանում օգնել Հորմուզի նեղուցը բացելուն, մինչդեռ դրա համար, Թրամփի համոզմամբ, պահանջվում է պարզ ռազմական գործողություն։
«Նրանց համար դա անելը այնքան հեշտ է՝ նվազագույն ռիսկով, վախկոտներ», – գրել է ԱՄՆ-ի նախագահը։
