shantnews.am Իրանի նախագահ Մասուդ Փեզեշքիանը կոչ է արել BRICS-ին «անկախ դեր» խաղալ Մերձավոր Արևելքի հակամարտության մեջ: Այս մասին հայտարարել է Նյու Դելիում Իրանի դեսպանատունը՝ Փեզեշքիանի և Հնդկաստանի վարչապետ Նարենդրա Մոդիի միջև հեռախոսազրույցից հետո:
«Հղում անելով BRICS-ում Հնդկաստանի ներկայիս նախագահությանը՝ Փեզեշքիանը կոչ արեց խմբին անկախ դեր խաղալ Իրանի դեմ ագրեսիան դադարեցնելու և տարածաշրջանային ու միջազգային խաղաղությունն ու կայունությունն ապահովելու գործում», – գրել է Մեծ Բրիտանիայի դեսպանատունը։
Շարունակությունը՝ սկզբնաղբյուր կայքում
Փետրվարի 28-ին Իսրայելն ու ԱՄՆ-ն սկսել են հարվածներ հասցնել Իրանի Իսլամական Հանրապետության տարածքին։ Իսրայելը հայտարարել է, որ նախահարձակ է եղել՝ «Իսրայելի պետությանը սպառնացող վտանգները վերացնելու նպատակով», իսկ Դոնալդ Թրամփը հայտարարել է՝ Վաշինգտոնը լայնածավալ ռազմական գործողություն է սկսում Իրանի դեմ՝ «թույլ չտալու միջուկային ծրագրի իրագործումը»։
Իրանը պատասխան հարվածներ է հասցրել ինչպես Իսրայելին, այնպես էլ տարածաշրջանի երկրներում ԱՄՆ-ի հնարավոր ռազմական օբյեկտներին։
Իսրայելաամերիկյան հարվածների հետևանքով զոհվել են Իրանի գերագույն առաջնորդ Այաթոլլա Ալի Խամենեին, Իրանի Իսլամական հեղափոխության պահապանների կորպուսի հրամանատար Մոհամմեդ Փաքփուրը, պաշտպանության նախարար Ազիզ Նասիրզադեն և այլ բարձրաստիճան պաշտոնյաններ։
Իրանի դեմ իսրայելա-ամերիկյան ռազմական հարձակումը սկսվել է իրանա-ամերիկյան բանակցությունների ֆոնին, որոնցից ԱՄՆ նախագահը դժգոհություն էր հայտնել՝ պնդելով, որ Իրանը չի հրաժարվում միջուկային ծրագրից եւ սպառնալիք է հանդիսանում «ազգային անվտանգության կենսական շահերին»։
