1lurer.am Մամուլում տարածված տեղեկություններով՝ մարտի 24-ին Գեղարքունիքի մարզում քարոզարշավ իրականացնելիս Սամվել Կարապետյանի աջակիցների մոտ հայտնաբերվել է թմրանյութ և երկու անձ է ձերբակալվել, այդ թվում Գեղարքունիքի համայնքերից մեկում «Ուժեղ Հայաստան» կուսակցության գրասենյակի պատասխանատուն:
1Lurer.am-ի հարցմանն ի պատասխան Ներքին գործերի նախարարությունից միայն հայտնել են. «Երկու անձ թմրամիջոց պահելու և օգտագործելու կասկածանքով ձերբակալվել և տեղափոխվել է համայնքային ոստիկանության Գավառի բաժին, հայտնաբերվել է թմրամիջոցի նմանվող զանգված»:
Քննչական կոմիտեից էլ հայտնել են, որ դեպքի առթիվ նախաձեռնվել է քրեական վարույթ՝ թմրամիջոցների, դրանց համարժեք նյութերի ապօրինի իրացման, պաշտոնատար անձի օրինական ծառայողական կամ քաղաքական գործունեությանը միջամտելու հոդվածներով:
