azatutyun.am Խորհրդարանում կառավարության 2021-2026 թթ-ի ծրագրի անցած տարվա կատարողականի քննարկումից հետո իր եզրափակիչ ելույթում վարչապետ Նիկոլ Փաշինյանն ասաց՝ նախկին-ներկա բանավեճը հաղթահարելու մի տարբերակ կա. «Դրա համար 2026 թվականի խորհրդարանական ընտրություններում «Ուժեղ Հայաստանը», «Հայաստան» դաշինքն ու ԲՀԿ-ն պետք է անցողիկ շեմը չհաղթահարեն:
«Էն քաղաքական ուժերը, որոնք հանդես են գալիս ժողովրդին անվանելով «ժեխ», «շուն-շանգյալ», «բոշա»…այսինքն՝ իրենք մարտահրավեր են նետում, որ իրենց ձայն տվող մարդը պետք է ինքն իրեն հայտարարագրի որպես «ժեխ», «շուն-շանգյալ», «բոշա»: ՀՀ քաղաքացին պետք է որոշի՝ այդ մարտահրավերը ընդունում է, թե ոչ»:
Ընդդիմությունից վարչապետ Նիկոլ Փաշինյանին դահլիճում լսում են միայն «Հայաստան» խմբակցության ղեկավար Սեյրան Օհանյանն ու Արթուր Խաչատրյանը։
