Սահմանադրության տեքստում մի քանի սկզբունքային և կարևոր նյուանսների շուրջ, որ կապված են պետական կառավարման համակարգի կարգավորումների հետ, որոշակի բանավեճ կա կառավարական և քաղաքական թիմում:
Այս մասին ճեպազրույցին ասաց ՀՀ վարչապետ Նիկոլ Փաշինյանը՝ ի պատասխան հարցի, թե ինչ վերաբերմունք ունի Սահմանադրության տեքստի հրապարակման ժամկետների վերաբերյալ:
Փաշինյանն ընդգծեց, որ ինքը կողմ է հրապարակմանը՝ միաժամանակ խոսելով մի շարք կարևոր հարցերի շուրջ բանավեճի մասին:
«Չեմ ուզում՝ հրապարակենք թուղթը առանց այդ բանավեճերը հասցեագրելու, բայց ցավոք նախընտրական շրջանը ավելի արագ տեմպերով: Եթե չհասցնենք հասցեագրել, [Սահմանադրության տեքստի] հրապարակումը կթողնենք ընտրություններից հետո»,- ասաց Փաշինյանը:
Ավելի վաղ արդարադատության նախարար Սրբուհի Գալյանն ասել էր, որ Սահմանադրության տեքստը պատրաստ է, և Կառավարությունը պետք է որոշի հրապարակելու ժամկետները, իսկ ՔՊ խմբակցության պատգամավոր Մարիա Կարապետյանը նշել էր, որ լավ կլինի՝ այն հրապարակվի մինչև ընտրությունները:
