ԿԳՄՍ նախարար Ժաննա Անդրեասյանը վաղը հաղորդում է կներկայացնի դատախազություն ուսումնական հաստատություններում քաղաքական քարոզչություն իրականացնելու վերաբերյալ։ Այս մասին նախարարը հայտնել է ֆեյսբուքյան իր պաշտոնական էջում։
Նրա խոսքով՝ 3 ահազանգեր են ստացվել դպրոցներում և բուհում քաղաքական գործունեության, քարոզչության կամ հակաքարոզի մասին։
«Նմանատիպ խնդիրներ նկատելու դեպքում խնդրում եմ գրել ինձ կամ նախարարության էլեկտրոնային փոստին։ Կրթական հաստատությունները կրթության համար են։ Ով չի հասկացել՝ կհասկացնենք»,- գրել է նախարարը։
Հիշեցնենք, որ մայիսի 6-ին ՀՀ ԿԳՄՍ նախարարն Ազգային ժողովում հայտարարել էր, որ եթե ՀՀ կրթական հաստատություններում բացահայտվեն նախընտրական քարոզչության դեպքեր, օրենքի ամբողջ խստությամբ պատիժ կլինի։
