azatutyun.am Ռուսաստանը կոչ է արել օտարերկրյա քաղաքացիներին և դիվանագետներին լքել Կիևը՝ զգուշացնելով, որ նախատեսում է ավելի շատ հարվածներ հասցնել Ուկրաինայի մայրաքաղաքին, այդ թվում՝ «որոշումների կայացման կենտրոններին»։
«Հարվածները կուղղվեն ինչպես որոշումների կայացման կենտրոններին, այնպես էլ հրամանատարական կետերին … Մենք զգուշացնում ենք օտարերկրյա քաղաքացիներին, այդ թվում՝ դիվանագիտական առաքելությունների և միջազգային կազմակերպությունների աշխատակիցներին, հնարավորինս շուտ լքել քաղաքը», – ասվում է Ռուսաստանի արտաքին գործերի նախարարության հայտարարության մեջ։
Մոսկվան պնդում է, թե սա պատասխանն է Ուկրաինայի կողմից անցած ուրբաթ իրականացված անօդաչուների հարձակմանը, որի թիրախում է եղել ուսանողական հանրակացարաններից մեկը: Ուկրաինան պնդել է, թե հարվածել են անօդաչու թռչող սարքերի էլիտար հրամանատարական ստորաբաժանմանը:
