Ռուսական «Կոմերսանտ» թերթը գրել է, որ ՌԴ-ն կարող է միակողմանիորեն կասեցնել կամ չեղարկել 2013-ի դեկտեմբերին ստորագրված՝ Հայաստան բնական գազի, նավթամթերքի և չմշակված ադամանդների մատակարարման մասին համաձայնագիրը, եթե Երևանը շարունակի ԵՄ-ին անդամակցելու գործընթացը։ Ըստ թերթի՝ այդ մասին մասին նշված է ՌԴ էներգետիկայի նախարար Սերգեյ Ցիվիլևի՝ Հայաստանի տարածքային կառավարման և ենթակառուցվածքների նախարարությանը հասցեագրված նամակում («Կոմերսանտը» տեսել է մայիսի 25-ով թվագրված դիմումի պատճենը)։
Անդրադառնալով թերթի հրապարակմանը, ՏԿԵՆ-ից հայտնել են, որ ՀՀ Տարածքային կառավարման և ենթակառուցվածքների նախարարությունը ռուսական կողմից որեւէ գրություն կամ նամակ չի ստացել Հայաստանին բնական գազի մատակարարման մասին համաձայնագիրը չեղարկելու վերաբերյալ։ Տեղեկությունը NEWS.am-ին հայտնել է ՏԿԵ նախարարության մամուլի քարտուղար Սոնա Հարությունյանը։
