Ռոսսելխոզնադզորը մայիսի 30-ից ժամանակավոր սահմանափակումներ կմտցնի Հայաստանից արտահանվող թարմ լոլիկի, վարունգի, պղպեղի, կանաչ բանջարեղենի և ելակի ներմուծման վրա։
Կառույցից նշում են, որ որոշումը պայմանավորված է հայկական մրգերի և բանջարեղենի մատակարարման ոլորտում խախտումների թվի աճով։
Ռոսսելխոզնադզորը պնդում է, որ Հայաստանի իրավասու մարմինը «չի ձեռնարկել համապատասխան միջոցներ՝ նախկինում հայտնաբերված խախտումների ուղղությամբ» ։
Նշվում է, որ Ռոսսելխոզնադզորը հայկական ձեռնարկություններում ստուգում է անցկացրել, հայտնաբերվել են մի շարք խախտումներ, ինչը հաստատվում է հայկական մրգերի և բանջարեղենի ներմուծման ընթացքում խախտումները։
Ռուսական կողմը հայտարարել է, որ սահմանափակումը կգործի մինչև «առաքվող ապրանքների անվտանգությունն ապահովելու համար համապատասխան արձանագրության մշակումը»։
