factor.am Ռուսաստանի նախագահ Վլադիմիր Պուտինը հայտարարել է, որ քննարկվում է դիզելային վառելիքի արտահանման ամբողջական արգելք սահմանելու հնարավորությունը։ Այդ մասին նա ասել է ներքին շուկայի վառելիքային ապահովման հարցերով խորհրդակցության ժամանակ։
«Ներքին սպառողների շահերից ելնելով՝ ժամանակավորապես արգելվել է բենզինի և ավիացիոն կերոսինի արտահանումը։ Քննարկվում է նաև դիզելային վառելիքի արտահանման ամբողջական արգելք սահմանելու անհրաժեշտությունը»,- նշել է Ռուսաստանի նախագահը՝ հավելելով, որ խորհրդակցության ընթացքում կքննարկվի նաև հնարավոր գերհագեցվածության հարցը։
