Նախատեսված հանդիպում չի եղել, առաջիկայում կլինեն շփումներ։ Այս մասին լրագրողների հետ զրույցում ասել է Նիկոլ Փաշինյանը՝ խոսելով իր հայտարարության մասին, որ ընտրություններից հետո ՌԴ նախագահ Վլադիմիր Պուտինի հետ հանդիպում է ունենալու։
Հիշեցնենք, որ Փաշինյանը նախընտրական շրջանում հայտարարել էր, որ հունիսի 7-ի խորհրդարանական ընտրություններից հետո հանդիպում է ունենալու Վլադիմիր Պուտինի հետ։
«Պայմանավորվեցինք՝ ընտրություններից հետո կմեկնեմ նորից, հանդիպում կունենանք, ու բոլոր ընթացիկ հարցերը կլուծենք»,- ասել էր նա։
