factor.am Չորեքշաբթի Իրան-Կատար բանակցություններում կքննարկվեն Թեհրանի և ԱՄՆ-ի միջև կնքված համաձայնագրի իրականացման, ինչպես նաև սառեցված ակտիվների ապասառեցման հարցերը։ Այս մասին հայտարարել է Իրանի արտաքին գործերի նախարարության խոսնակ Էսմայիլ Բաղային, գրում է CNN-ը։
«Վաղը Դոհայում, հավանաբար, տեղի կունենա քննարկում կատարական կողմի հետ՝ փոխըմբռնման հուշագրի որոշ դրույթների իրականացման վերաբերյալ, այդ թվում՝ Իրանի սահմանափակված ակտիվների ազատման վերաբերյալ դրույթի»,- ասել է Բաղային՝ հավելելով, որ Իրանի բանակցային թիմն առաջիկա օրերին ամերիկյան պատվիրակության հետ հանդիպելու ծրագիր չունի։
Կատարի արտաքին գործերի նախարարության խոսնակ Մաջեդ ալ-Անսարին ավելի վաղ հայտարարել էր, որ ԱՄՆ նախագահի բանագնացները՝ դեսպան Սթիվ Ուիթքոֆը և Ջարեդ Քուշները, ժամանել են Դոհա՝ կատարցի միջնորդների հետ հանդիպելու, սակայն ընդգծել էր, որ Իրանի պաշտոնյաների հետ հանդիպում չի լինի։
Շարունակությունը՝ սկզբնաղբյուր կայքում
