azatutyun.am Ամերիկյան զինուժը հայտարարել է, որ նոր հարվածներ է հասցրել Իրանին՝ Թեհրանի հետ հրադադարի համաձայնագրի «ավարտված» լինելու մասին ԱՄՆ նախագահ Դոնալդ Թրամփի հայտարարությունից ժամեր անց։
Թուրքիայում անցկացված ՆԱՏՕ-ի գագաթնաժողովից ԱՄՆ վերադառնալու ճանապարհին Թրամփը խոսել է լրագրողների հետ, տեղեկացրել Վաշինգտոնի նոր գործողությունների մասին։
«Հենց նոր մենք շատ ուժեղ հարվածեցինք նրանց, ու կասեի հարվածները եղել են 20-ը մեկի դիմաց։ Նրանց ամեն մի հարվածին ի պատասխան 20 հարված ենք հասցնելու, և դա արել ենք նախորդ գիշեր», – հայտարարել է Սպիտակ տան ղեկավարը։
ԱՄՆ կենտրոնական հրամանատարության հայտարարության համաձայն՝ վերջին հարվածների ժամանակ ամերիկյան ուժերը իրանական ափերին գտնվող շուրջ 90 ռազմական օբյեկտ են թիրախավորել՝ հակաօդային պաշտպանության համակարգեր, հրթիռների և անօդաչուների պահման վայրեր և այլ ռազմական ենթակառուցվածքներ։
Իրանի պետական լրատվամիջոցները հայտնում են, որ ԱՄՆ-ի գիշերային նոր հարվածների հետևանքով երեք մարդ է զոհվել, մի քանիսը՝ վիրավորվել։
Ըստ իրանական կողմի՝ հարվածները հիմնականում հասցվել են Իրանի հարավային ափամերձ շրջաններին՝ Հորմուզի նեղուցից մինչև Օմանի ծոց։
Թիրախների թվում է եղել Բանդար Աբբասը, որտեղ գտնվում է Իրանի խոշորագույն նավահանգիստը, ինչպես նաև ռազմածովային ուժերի և Իսլամական հեղափոխության պահապանների կորպուսի կարևոր օբյեկտներ։
Ամերիկացիների հետ բանակցություններում Իրանի գլխավոր բանակցող, երկրի խորհրդարանի խոսնակ Մոհամմադ Բաղեր Ղալիբաֆը X-ում գրել է, որ Հորմուզի նեղուցը բաց կլինի «միայն իրանական կարգավորումների ներքո, ոչ թե ամերիկյան սպառնալիքների»՝ հավելելով, որ «Ամերիկան դեռ չի ընկալել, որ բուլինգը և խոստումների դրժումը գին ունի»։
Շարունակությունը՝ սկզբնաղբյուր կայքում
