factor.am Ստամբուլի Սկյուտար թաղամասի Սուրբ Կարապետ հայկական եկեղեցու գերեզմանատանը դամբարանները վնասելու մեջ կասկածվող Մ.Կ.-ն ձերբակալվել է, հայտնում են թուրքական լրատվամիջոցները։
Նշվում է, որ հուլիսի 8-ին վանդալիզմի մասին հաղորդումից հետո Ստամբուլի Անատոլիայի գլխավոր դատախազությունը հետաքննություն է սկսել։ Արդյունքում կասկածյալը նույնականացվել է որպես Մ.Կ.: Նա ձերբակալվել է երեկ:
Ոստիկանության բաժանմունքում սահմանված ընթացակարգերից հետո նա ուղարկվել է հերթապահ դատարան․ կքննվի նրա կալանքի հարցը։
