Ֆրանսիայի դեսպանությունը հաստատել է, որ տեղեկություններ են ստացվել հուլիսի 14-ին երկրի ազգային օրվա առիթով կազմակերպված ընդունելությունից հետո հյուրերի սննդային թունավորման մասին:
«Ազգային տոնի կապակցությամբ հուլիսի 14–ին Ֆրանսիայի դեսպանատանը կազմակերպված ընդունելության որոշ հյուրեր մեզ հայտնել են սննդային թունավորման ախտանիշների մասին։
Ֆրանսիայի դեսպանությունն անկեղծորեն հայցում է այդ հյուրերի ներողամտությունը պատճառված անհարմարության համար։ Ֆրանսիայի դեսպանությունը հույս է հայտնում, որ նշված ախտանիշների պատճառները կբացահայտվեն։ Ուստի, դիմել է ՀՀ առողջապահության նախարարություն»,– ասվում է հայտարարության մեջ։
Ավելի լավ՝ լրատվամիջոցները հայտնել էին, որ դեսպանատանը միջոցառումից հետո հյուրերից շատերը բուժօգնության են դիմել աղիքային վարակի ախտանշաններով։
