shantnews.am Քառասուն մարդ տուժել է, երբ Թուրքիայի Քըրըքքալե նահանգում ավտոբուս է շրջվել։ Այս մասին հաղորդում է Cumhurriyet թերթը։
«Ավտոբուսում 42 մարդ է եղել, այդ թվում՝ ընկերության երեք աշխատակից։ Վթարի հետևանքով տուժել է քառասուն մարդ»,- գրել է թերթը։
Ըստ թերթի՝ վթարը տեղի է ունեցել գիշերը Քըրըքքալե-Սամսուն մայրուղու վրա՝ Քիմեսկի թաղամասի մոտակայքում։ Դեռևս անհայտ պատճառով ավտոբուսի վարորդը կորցրել է կառավարումը, որից հետո մեքենան դուրս է եկել ճանապարհից և շրջվել։
Դեպքի վայր են ուղարկվել բազմաթիվ շտապօգնության մեքենաներ, ոստիկանություն և փրկարարական ծառայություններ։ Տուժածները տեղափոխվել են Քըրիկկալեի հիվանդանոցներ, որտեղ նրանց բժշկական օգնություն է ցուցաբերվում։
Վթարի պատճառը պարզվում է։ Նախնական տեղեկությունների համաձայն՝ տուժածների մեջ օտարերկրյա քաղաքացիներ չկան։
