armenpress.am ԱՄՆ նախագահ Դոնալդ Թրամփը հերքել է այն տեղեկությունները, որ զինամթերքի, այդ թվում՝ հակաօդային պաշտպանության հրթիռների պակասն Իրանի դեմ ռազմական ճնշման ուժեղացումը հետաձգելու պատճառներից մեկն է։ Այս մասին նախագահն ասել է The Wall Street Journal-ին։
«Մենք ունենք ավելի շատ զինամթերք, քան աշխարհում որևէ մեկը, և շատ ավելի, քան մեզ անհրաժեշտ է», – ասել է նախագահը հրատարակությանը՝ մեկնաբանելով տեղեկությունները։
Հուլիսի 25-ին The New York Times-ը, հղում անելով աղբյուրներին, հաղորդել էր, որ ԱՄՆ նախագահը որոշել է հետաձգել Իրանի դեմ ռազմական գործողությունների ինտենսիվացումը, քան որ կա մտահոգություն, որ հնարավոր էսկալացիան կարող է սպառել Patriot հակաօդային պաշտպանության համակարգերի և Մերձավոր Արևելքում տեղակայված ամերիկյան այլ ՀՕՊ միջոցների հրթիռային պաշարները։
Ըստ ամերիկյան տարբեր լրատվամիջոցների տեղեկությունների՝ ԱՄՆ բարձրաստիճան ռազմական և քաղաքական խորհրդականները, այդ թվում՝ փոխնախագահը, Զինված ուժերի շտաբների պետերի միացյալ կոմիտեի նախագահը և Կենտրոնական հրամանատարության ղեկավարը, մտահոգություն են հայտնել հարվածների արդյունավետության և սպառազինությունների պաշարների կապակցությամբ։ Խորհրդականները նաև նշել են, որ վերջին երկու շաբաթվա ռմբակոծությունների ընթացքում նախապես ընտրված թիրախների շրջանակը մեծ մասամբ սպառվել է։
