azatutyun.am Պենտագոնը նոր տվյալներ է հրապարակել Իրանի հետ պատերազմում ԱՄՆ-ի կորուստների վերաբերյալ, որոնց համաձայն՝ փետրվարից սկսված հակամարտության ընթացքում զոհվել է ԱՄՆ-ի 14 զինծառայող, ավելի քան 400-ը վիրավորվել են։ Վերջին շաբաթների ընթացքում գերատեսչությունը մի քանի անգամ թարմացրել է կորուստների ընդհանուր ցուցանիշները՝ վերանայելով մարտական կորուստների վերաբերյալ տեղեկությունների դասակարգումը։
Այս հարցը քննադատության առիթ է դարձել՝ հակամարտության վերաբերյալ Պենտագոնի կողմից տրամադրված սահմանափակ տեղեկատվության պատճառով։
The Guardian-ին տված հարցազրույցում ԱՄՆ-ի պաշտպանության նախկին նախարար և ԿՀՎ նախկին տնօրեն Լեոն Պանետան քննադատել է Պենտագոնի մոտեցումը այս հարցում՝ մեղադրելով վարչակազմին մարդկային կորուստների վերաբերյալ ամբողջական տեղեկատվություն չտրամադրելու համար։
Պանետան պնդել է, թե Պենտագոնը «միտումնավոր փորձել է … ըստ էության տեղեկատվությունը թաքցնել ամերիկյան ժողովրդից»։
