Բլոգեր Նարե Հովսեփյանը երեկ իր ինստագրամյան էջում տեսանյութ է հրապարակել՝ հայտնելով, որ «Սասունցի Դավիթ» կայարանի տարածքում անհայտ անձը հարձակվել է իր վրա, գցել գետնին և գողացել պայուսակը, որի մեջ եղել են համակարգիչ, դրամապանակ և անձնական այլ իրեր:
Նարեի խոսքով՝ ինքը վեր է կացել, վազել նրա հետևից, ինչից հետո տվյալ անձը պայուսակից վերցրել է դրամապանակը, մնացած իրերը գցել գետնին ու փախել:
Հարձակման հետևանքով Նարե Հովսեփյանը մարմնական վնասվածներ է ստացել:
Ավելի ուշ Նարեն դիմել է Ոստիկանություն, և երեկ ոստիկանությունը կատարել է դեպքի վայրի զննություն:
Այս պահին դեպքի վերաբերյալ պաշտոնական հաղորդագրություն չկա:
