azatutyun.am Իրանի դեմ ԱՄՆ-ի ամիսներ շարունակվող ռազմական հարվածներից, պատժամիջոցներից և շրջափակումից հետո նախագահ Դոնալդ Թրամփը Axios-ին տված հարցազրույցում հայտարարել է, որ իր վարչակազմը հետևում է Իրանի նկատմամբ տնտեսական ճնշման աճին։
«Մենք զուսպ ենք գործում», – կարճ հեռախոսազրույցի ընթացքում ասել է Թրամփը։ «Մենք նրանց հետ միայն մասամբ ենք բանակցում։ Մենք պարզապես հետևում ենք Իրանին՝ հսկայական գնաճին և այն փաստին, որ նրանք փող չունեն»։
Այսօր ավելի վաղ Իրանի արտգործնախարար Աբբաս Արաղչին հայտարարել է, որ Իրանն ու ԱՄՆ-ն բանակցություններ չեն վարում, և Թեհրանը չի պատրաստվում սկսել բանակցություններ, քանի դեռ «Վաշինգտոնը խախտում է հունիսին ստորագրված ժամանակավոր համաձայնագիրը»: Արաղչին հավելել է, որ կողմերի միջև հաղորդագրություններ են փոխանակվում միջնորդների միջոցով։
