shantnews.am Իրանի գերագույն առաջնորդ Մոջթաբա Խամենեին խուսափում է հրապարակային ելույթներից բացառապես անվտանգության նկատառումներից ելնելով: Այս մասին հայտարարել է Իսլամական հեղափոխության պահապանների կորպուսի (ԻՀՊԿ, էլիտար ռազմական ստորաբաժանում) գլխավոր հրամանատարի խորհրդական Մոհամմադ Ռեզա Նաղդին:
«Այս ռազմավարությունը նրա գործն է։ Մեր թշնամիները հանցագործներ են և չեն ենթարկվում օրենքին: Բնականաբար, դա անվտանգության նկատառումներից ելնելով է։ Այլ պատճառ, անշուշտ, չկա», – ասել է նա PBS- ին տված հարցազրույցում ՝ պատասխանելով այն հարցին, թե ինչու Խամենեին չի հայտնվում հանրության առջև։
Սակայն, ԻՀՊԿ գլխավոր հրամանատարի խորհրդականը խուսափել է պատասխանել այն հարցին, թե արդյոք անձամբ հանդիպել է Խամենեիի հետ։
Մոջթաբա Խամենեին հանրության առջև չի հայտնվել Իրանի դեմ ԱՄՆ-Իսրայել ռազմական գործողության սկսվելուց ի վեր, որի արդյունքում սպանվեց նրա հայրը՝ Իսլամական Հանրապետության նախկին գերագույն առաջնորդ Ալի Խամենեին։ Ինչպես Թեհրանը բազմիցս հայտարարել է, Մոջթաբա Խամենեիի առողջությունը վտանգված չէ։
