ՀՀ վարչապետ Նիկոլ Փաշինյանի գլխավորությամբ խորհրդակցություն է տեղի ունեցել, որտեղ քննարկվել է մինչև 200 հազար դրամ աշխատավարձ ստացող քաղաքացիներին Առողջության համընդհանուր ապահովագրության համակարգում ներառելը։
Վարչապետը Ֆեյսբուքի իր էջում տեսանյութ է հրապարակել:
«Ինչո՞ւ ենք քննարկում հնարավոր սցենարները, որովհետև այդտեղ մի քանի ուղղության հարցեր կան: Մի ուղղությունը, իհարկե, զուտ առողջության անընդհանուր ապահովագրության համակարգի մեջ մարդկանց ներգրավելու, ներառելու անհրաժեշտությունն է:
Երկրորդը՝ այն կանխավարկածը, որ աշխատավարձերի ցածր սեգմենտում մեր համոզմունքով և իմացությամբ գործում է ստվերային որոշակի սխեմա, և կառավարության համար խնդիր է նաև լուծել սոցիալական խնդիրը, բայց չխրախուսել ստվերը»,- ասել է Փաշինյանը։
