azatutyun.am Մոսկվան և մերձմոսկովյան շրջանը գիշերը անօդաչուների զանգվածային հարձակման են ենթարկվել։ Մոսկվայի քաղաքապետ Սերգեյ Սոբյանինի պնդմամբ՝ ուղղությամբ ավելի քան 600 անօդաչու է թռչել։
Սոբյանինի փոխանցմամբ՝ դրանցից 180-ը խոցվել է անմիջապես Մոսկվայի տարածաշրջանում։ Նա չի հայտնել՝ արդյոք հարձակման հետևանքով տուժածներ կամ ավերածություններ կան՝ միայն նշելով, որ անօդաչուների բեկորների ընկնելու վայրերում աշխատում են արտակարգ ծառայությունները։
Ժամանակավորապես դադարեցվել է նաև Մոսկվայի բոլոր օդանավակայանների աշխատանքը։
Ռուսական պետական ՏԱՍՍ գործակալությունը, վկայակոչելով Սոբյանինի տվյալները, սա անվանել է վերջին երկու տարվա ընթացքում Մոսկվայի վրա հարձակման ամենախոշոր փորձը։
Ուկրաինական Exilenova+ մոնիթորինգային ալիքի տվյալներով՝ հնարավոր թիրախներից մեկը Մոսկվայի նավթավերամշակման գործարանն էր։ Այս տեղեկությունը պաշտոնապես դեռ չի հաստատվել։
