azatutyun.am «Ռոսսոտրուդնիչեստվո» գործակալության ղեկավար Իգոր Չայկան համաձայնագրեր է ստորագրել 11 նոր գործընկերային Ռուսական տներ բացելու մասին, այդ թվում երկուսը՝ Հայաստանում, այսօր հաղորդում են ռուսաստանյան լրատվամիջոցները:
Հայաստանից բացի, նոր հարթակներ են բացվելու Քենիայում, Կոնգոյի Դեմոկրատական Հանրապետությունում, Մադագասկարում, Մալիում, Սան Տոմե և Պրինսիպիում, Սենեգալում, Սիերա Լեոնեում, Թայլանդում և Տոգոյում:
«Այսօր մենք բավականին մեծ քայլ ենք անում՝ ստորագրում ենք համաձայնագրեր ևս 11 գործընկերային «Ռուսական տներ» բացելու մասին: Փաստացի, մենք այսօր կիսով չափ մեծացնում ենք մեր ցանցը», – հայտարարել է Չայկան՝ նշելով, որ մինչ օրս ցանցը ներառել է 25 գործընկերային Ռուսական տներ 22 երկրներում։
«Մեր երկու գործընկերային տները կբացվեն Հայաստանում՝ Արտաշատ և Աշտարակ քաղաքներում», – նաև նշել է «Ռոսսոտրուդնիչեստվո»-ի ղեկավարը:
Երևանում արդեն իսկ գործում է Ռուսական տուն՝ այն բացվել է 2009 թվականին:
Շարունակությունը՝ սկզբնաղբյուր կայքում
