1lurer.am ԱՄՆ նախագահ Դոնալդ Թրամփը Fox News-ի հետ հարցազրույցում իր դիրքորոշումն է հայտնել Իրանի խնդրի վերաբերյալ: Թրամփը համոզված է, որ եթե Իրանը միջուկային զենք ստանա, այն կօգտագործի Իսրայելը, Մերձավոր Արևելքը վերացնելու համար, կսկսի հարվածել նաև ամերիկյան քաղաքներին: Հետևաբար նա չի զղջում Թեհրանի դեմ սկսած ռազմական գործողությունների համար:
«Եթե ստիպված լինեի դա նորից անել, նույն կերպ կվարվեի: Ես ոչնչացրել եմ նրանց միջուկային ներուժը»,- ասել է ԱՄՆ նախագահը։
Թրամփը ենթադրում է, որ Իրանի դեմ պատերազմը կավարտվի ընտրություններից հետո:
«Կարող է ավելի շուտ ավարտվել, բայց կարծում եմ, որ այն կավարտվի ընտրություններից անմիջապես հետո: Նրանք փորձում են ամեն ինչ անել, որպեսզի ինձ դուրս հանեն այդտեղից, քանի որ կարծում են, թե դեմոկրատները թույլ կտան իրենց միջուկային զենք ունենալ: Բայց նրանք միջուկային զենք չեն ունենա»,- վստահեցրել է ԱՄՆ նախագահը։
