azatutyun.am Տարածքային հարցն ամենաբարդն է մնում Ուկրաինայում խաղաղության շուրջ համաձայնությունների հասնելու ճանապարհին, հայտարարել է Դոնալդ Թրամփի փեսա Ջարեդ Քուշները, ով մեկ շաբաթ առաջ ԱՄՆ նախագահի հատուկ բանագնաց Սթիֆ Ուիթքոֆի հետ այցելել էր Մոսկվա և Կիև:
«Մեր՝ որպես միջնորդների, խնդիրն է գտնել կրեատիվ որոշում, որը չի խախտում Ուկրաինայի շահերը», – հայտարարել է Քուշները՝ տեսակապով միանալով YES Annual Meeting 2026 համաժողովին և պատասխանելով ֆորումի հիմնադիր, ուկրաինացի գործարար Վիկտոր Պինչուկի հարցերին:
«Նախագահ Պուտինը ներկայացրել է իր դիրքորոշումը, թե ինչի է ուզում հասնել: Եթե Ուկրաինան ցանկանար զիջումների գնալ այդ հարցում, մենք արդեն կհամաձայնեցնեինք համաձայնագրի մնացած կետերը: Սակայն Ուկրաինան այժմ չի ուզում դա անել», – նշել է ԱՄՆ նախագահի փեսան:
Նրա խոսքով՝ վերջին ինն ամիսներին Ռուսաստանի և Ուկրաինայի հետ բանակցություններում ԱՄՆ-ին հաջողվել է առաջ շարժվել «գործարքի մնացած մասի» ձևավորման հարցում, որն ուղղակիորեն չի առնչվում տարածքային հարցերին:
Շարունակությունը՝ սկզբնաղբյուր կայքում
