azatutyun.am «Եթե մեզ հետաքրքրում է որևէ մատյանի, կամ դրանում հիշատակված վանական համալիրի ծագումնաբանությունը, մենք պետք է դիմենք էդ մատյանին և բնագրերին: Եվ Հայաստանը այս հարցին տիրապետող ամենակոմպետենտ պաշտոնյայի՝ Մատենադարանի տնօրենի միջոցով արձագանքել է և արձանագրել է Գանձասարի հայկական ծագումը», – այսօր խորհրդարանում հայտարարեց վարչապետ Նիկոլ Փաշինյանը:
«Ես անիմաստ եմ համարում այդ թեմայով խոսակցությունը և անիմաստ եմ համարում նպատակադրումը, որ դա պետք է ապացուցենք Ադրբեջանին: Դա անիմաստ և անիրագործելի խնդիր է», – Ազգային ժողով-Կառավարություն հարցուպատասխանի ժամանակ նշեց վարչապետը:
Ընդդիմադիր «Ուժեղ Հայաստան» խմբակացությունից պատգամավոր Լենա Մաթևոսյանն էր կոչ արել Փաշինյանին «մոտենալ ամբիոնին ու ասել, որ Գանձասարը հայկական է»:
