armenpress.am ՄԱԿ-ի գլխավոր քարտուղար Անտոնիու Գուտերեշը պատրաստակամություն է հայտնել հնարավորության դեպքում Գլխավոր ասամբլեայի ընթացքում ՄԱԿ-ի կենտրոնակայանում եռակողմ հանդիպում անցկացնել Ռուսաստանի, Ուկրաինայի և Միացյալ Նահանգների ներկայացուցիչների հետ։ Այս մասին նա ասել է` պատասխանելով Ուկրաինայում խաղաղ կարգավորման հեռանկարների վերաբերյալ հարցին։
«Ուրախ կլինեի դա անել, եթե հնարավոր լինի։ Համարում եմ, որ բացարձակապես անհրաժեշտ է Ուկրաինայում հրադադարի հասնել և արդար խաղաղության անցնելու համար պայմաններ ստեղծել», – նշել է Գուտերեշը։
