Հայաստանի Հանրապետության անկախության 35-ամյակի առթիվ ՆԳ նախարարությունը ներկայացրել է նոր կենսաչափական՝ թվային անձնագիրը։ Ըստ նախարարության՝ այն բացելու է նոր հնարավորություններ քաղաքացիների թվային ինքնության և թվային ծառայություններից օգտվելու համար։
«Հայաստանի Հանրապետության անկախության 35-ամյա հոբելյանին ներկայացնում ենք ՀԱՅԱՍՏԱՆԻ ԹՎԱՅԻՆ ԱՆՁՆԱԳԻՐԸ։
Նոր կենսաչափական անձնագիրը Հայաստանի պատմության, մշակույթի, ծագումնաբանության, կրոնի, պետականության ու հարատև պետության մասին է։
Այն նոր էջ է բացելու Հայաստանի Հանրապետության քաղաքացու թվային ինքնության և թվային հնարավորությունների համար»,- ասված է ՆԳՆ-ի տարածած հաղորդագրությունում։
