arm.sputniknews.ru Նոբելյան մրցանակի դափնեկիրներ են դարձել ամերիկացի նեյրոկենսաբան Կարլ Դեյսերոտը և գերմանացի կենսաքիմիկոսներ Գեորգ Նագելն ու Պետեր Հեգեմանը: Այս մասին հայտնել են Նոբելյան կոմիտեից։
Գիտնականները մշակել են կենդանի հյուսվածքների հետազոտման անվտանգ և անցավ ոչ կոնտակտային մեթոդ, որը թույլ է տալիս ուսումնասիրել նյարդային բջիջների աշխատանքը և հասկանալ, թե ինչպես են ուղեղում ձևավորվում հիշողությունները, զգացմունքներն ու վարքը:
Այս մոտեցումը երբեմն անվանվում է «օպտիկական ուլտրաձայնային հետազոտություն», սակայն ձայնային ալիքների փոխարեն այն օգտագործում է լուսային ազդանշաններ:
Նոբելյան կոմիտեի ներկայացուցիչների խոսքով՝ գիտնականների հայտնագործությունները հիմք են դրել ուղեղի և նյարդային համակարգի հետազոտության նոր դարաշրջանի համար:
Անցյալ տարի ֆիզիոլոգիայի կամ բժշկության ոլորտում Նոբելյան մրցանակը շնորհվել էր իմունիտետի մեխանիզմների հետազոտության համար։
