arm.sputniknews.ru Հաշվի առնելով այն, որ վերջին ամիսներին բանակում շատացել են ինքնասպանությունների դեպքերը` «Ուժեղ Հայաստան» խմբակցությունն առաջարկում է ստեղծել քննիչ հանձնաժողով Շաքիում տեղի ունեցած միջադեպն ու ինքնասպանությունների դեպքերն ուսումնասիրելու համար։ Այդ մասին այսօր Ազգային ժողովում հայտարարեց «Ուժեղ Հայաստան» խմբակցության քարտուղար Տիգրան Աբրահամյանը։
Նրա հայտարարությանն ի պատասխան ԱԺ նախագահ Ռուբեն Ռուբինյանը հայտարարեց, որ այդ մասին զուտ տեղեկացնելու համար կարող էին ուղղակի զանգել իրեն ու տեղեկացնել, քանի որ հիմա խորհրդարանն այլ բան է քննարկում։
Հիշեցնենք` հոկտեմբերի 1-ին Սյունիքի մարզի Սիսիան համայնքի Շաքի բնակավայր ադրբեջանցի զինծառայող է ներթափանցել։ Ավելի ուշ հայտնի դարձավ, որ նա կրակել է 39-ամյա Անի Ավետիսյանի ոտքին։ Ինքնապաշտպանության ժամանակ վնասվածքներ է ստացել նաև Ավետիսյանի երեք երեխաներից 15-ամյա որդին, որը տեղափոխվել է Սիսիանի ԲԿ։
Մուսաևի նկատմամբ քրեական հետապնդում է հարուցվել ՀՀ ՔՕ 5 հոդվածի հատկանիշներով։ Որոշում է կայացվել նրան 2 ամսով կալանավորելու վերաբերյալ։
