arm.sputniknews.ru Թուրքմենստանում Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի առանձին հանդիպում չի նախատեսվում: Այս մասին հայտարարել է ՌԴ նախագահի օգնական Յուրի Ուշակովը։
«Հանդիպում չի նախատեսվում։ Թեև միջոցառումների ընթացքում շփումը, իհարկե, չի կարելի բացառել», – ասել է նա լրագրողներին ճեպազրույցի ժամանակ։
Նշենք, որ հոկտեմբերի 9-ին Թուրքմենստանում տեղի կունենա ԱՊՀ պետությունների ղեկավարների խորհրդի ընդլայնված կազմով նիստը, ինչպես նաև Կասպյան բնապահպանական գագաթնաժողովը: ԱՊՀ-ում ընդգրկված են Հայաստանը, Ռուսաստանը, Բելառուսը, Ադրբեջանը, Ղազախստանը, Ղրղզստանը, Տաջիկստանը, Ուզբեկստանը:
