ԱՄՆ-ում Թայվանի համար պատրաատված վեց նոր F-16 կործանիչներ կարող են կղզի ժամանել հոկտեմբերի վերջին, ըստ կղզու պաշտպանության նախարար Գու Լիսիոնգի (Վելինգտոն Գու):
«Թայվանի կողմից ԱՄՆ-ից գնված 66 նոր F-16V Block 70 կործանիչներից վեցը անցել են գործարանային ընդունումը և դուրս են գալիս արտադրական գծից», – նրա խոսքերը մեջբերել է Taipei Times-ը: Գուն հույս է հայտնել, որ «այս ամսվա վերջին ավելի շատ մատակարարումներ կլինեն»: Երկու կործանիչ նախկինում Թայվան էր ժամանել հոկտեմբերի 2-ին:
Թայվանը ԱՄՆ-ից գնել է 66 F-16 Block 70 (հայտնի է նաև որպես F-16V) կործանիչներ՝ Թայբեյին զենքի վաճառքի փաթեթի շրջանակներում, որը Վաշինգտոնը հաստատել էր 2019 թվականին՝ Թրամփի առաջին ժամկետի ընթացքում:
Կղզին պետք է ստանար ինքնաթիռների առաջին խմբաքանակը 2023 թվականին, բայց տարբեր պատճառներով, այդ թվում՝ COVID-19 համավարակի պատճառով, կործանիչների մատակարարումը հետաձգվել է:
2025 թվականին Թայբեյը նախատեսում էր պատվիրված բոլոր ինքնաթիռները ստանալ մինչև 2026 թվականի վերջը, սակայն այժմ կանխատեսվում է, որ դրանցից ոչ բոլորը կժամանեն այդ ժամկետում: Թայվանը բազմիցս մտահոգություն է հայտնել ամերիկյան ինքնաթիռների մատակարարման ուշացումների վերաբերյալ:
