Ֆրանսիայի ներքին գործերի նախարար Լորան Նյունյեզը հրաժարական է առաջարկել, բայց նախագահ Էմանուել Մակրոնը մերժել է այն։ Այս մասին հայտնել է Reuters-ը:
Մակրոնը որոշումը հիմնավորել է ոստիկանության և անվտանգության ուժերի ղեկավարումն անընդհատ պահելու անհրաժեշտությամբ։ Նա նախարարին հանձնարարել է նաև նոր միջոցներ մշակել՝ անկարգություններին և թալանին հակազդելու համար։
Հիշեցնենք, որ Ֆրանսիայում կրթական համակարգի խնդիրների շուրջ սկսված բողոքի ակցիաներն ընդլայնվել են: Ցուցարարները պահանջում են նվազեցնել կենսապահովման ծախսերը, բարձրացնել աշխատավարձերը և բարելավել հանրային ծառայությունները։ Հոկտեմբերի 18-ի տվյալներով՝ ձերբակալվածների թիվը գերազանցել է 2400-ը։
Նախագահ Մակրոնը իր ուղերձում խոստացել է պատասխանատվության ենթարկել ջարդարարությունների մասնակիցներին և վնասի հատուցում պահանջել նրանցից, ովքեր մասնակցել են խանութների թալանին և շենքերի ավերմանը: Միևնույն ժամանակ Ֆրանսիայի նախագահը հորդորել է տարանջատել անկարգություն անողներին և խաղաղ ցուցարարներին՝ պնդելով, որ վերջինններիս մտահոգությունները հիմնավոր են։ Նա վառելիքի գնաճը կապել է Պարսից ծոցում հակամարտության հետևանքների հետ, ինչպես նաև նշել է, որ արդեն այս շաբաթ կառավարությունը կսկսի քննարկումներ երիտասարդության պահանջներին պատասխաններ մշակելու համար։
