tert.am։ Թուրքիան մտադիր է օգտագործել Ռուսաստանից գնած C-400 հակաօդային պաշտպանության համակարգերը՝ չնայած ԱՄՆ-ի՝ պատժամիջոցների մասին սպառնալիքներին: Այս մասին հայտարարել է Թուրքիայի պաշտպանական արդյունաբերության քարտուղարության ղեկավար Իսմայիլ Դեմիրը, գրում է CNN Turk լրատվականը:
«Անտրամաբանական է գնել C-400 համակարգեր և չօգտագործել դրանք: Դրանք որևէ վնաս չեն կարող հասցնել ՆԱՏՕ-ին»,- հայտարարել է Դեմիրը:
Նա հավելել է, որ Թուրքիան ձգտում է լուծել տարաձայնություններն ԱՄՆ-ի հետ, այդ իսկ պատճառով պատրաստ է ԱՄՆ-ից իր համար ձեռնտու պայմաններով գնել Patriot համակարգերը և օգտագործել դրանք ռուսական զինատեսակներին զուգահեռ:
