Ռուսաստանի արտաքին գործերի նախարարությունը հաղորդագրություն է տարածել՝ նշելով, որ «Գերմանիայի իշխանությունները որոշում են կայացրել Գերմանիայում ռուսական դիվանագիտական ներկայացուցչությունների աշխատակիցների հերթական զանգվածային արտաքսման մասին»։ Այս մասին հաղորդում է TACC-ը։
«Մենք խստորեն դատապարտում ենք Բեռլինի այս գործողությունները, որը շարունակում է ցուցադրաբար ոչնչացնել ռուս-գերմանական հարաբերությունների ողջ հիմքը, այդ թվում՝ դիվանագիտության հարթության վրա»,- ասվում է հաղորդագրության մեջ։
Ռուսաստանի Դաշնությունը «հայելային» է արձագանքելու այս որոշմանը՝ երկրից արտաքսելով գերմանացի դիվանագետներին, ինչպես նաև սահմանափակելու նրանց թիվը ՌԴ-ում, ինչի մասին, ըստ ՌԴ ԱԳՆ-ի, տեղեկացվել էր ՌԴ-ում Գերմանիայի դեսպանը դեռևս 2022թ․ ապրիլի 5-ին։
ՌԴ ԱԳՆ-ում կարծում են, որ Գերմանիան խախտել է իր խոսքը, որ ցուցադրական չի դարձնելու ռուս դիվանագետների նոր արտաքսումը։
