azatutyun.am: «Ինտերֆաքս» լրատվական գործակալության փոխանցմամբ, մայիսի 2-ին ընդհատված Հայաստանի գազի մատակարարումն այսօր վերականգնվել է: Այդ մասին հայտնել է «Գազպրոմ-Արմենիա» ընկերությունը։
«Ստավրոպոլի մարզի տարածքում «Հյուսիսային Կովկաս-Անդրկովկաս» մայրուղային գազատարի պլանային նորոգման աշխատանքներն ավարտվել են, ժամը 16։30-ից մատակարարումը վերսկսվել է», – ասվում ընկերության հաղորդագրությունում։
«Գազպրոմ» ռուսական կոնցերնը Հայաստան բնական գազ մատակարարող միակ ընկերությունն է: Օպերատորի դերում հանդես է գալիս «Գազպրոմ-Արմենիան», որն ամբողջությամբ պատկանում է «Գազպրոմին» և դրա դուստր-ձեռնարկությունն է համարվում։
